Scratxe Gaua 2009an jaio zen Factoría de Fuegosek bultzatuta Amarica aretoan.
Hainbat egoitzatara mugitu ondoren, Baratza Aretoak hartu zuen ekimena 2016an.
2022an, Arroxbolak Scratxe Gau mitikoaren hamaseigarren edizioaren programazioa, antolakuntza eta koordinazioaren lekukoa hartu zuen, eta gaur egun ere horren konpromisoa du. Talde berriak proiektu honek hasieratik izan dituen helburu berberak lortu nahi ditu.
Scratxe: Mihiztatutako edo fabrikatutako zerbait, erabilgarri dagoenetik abiatuta
Anglizismo hori (scratch) geureganatu eta egokitzen dugu prozesuan dauden pieza eszenikoen erakusketa bat deskribatzeko. Publikoari irekitako piezak dira, artista gazteek eginak, tokikoek batez ere, baina baita estatu eta nazioartekoek egindakoak ere.
Scratxe ere honela itzultzen da (’to scratch’ aditzetik): gainazal bat puntazorrotza duen zerbaitekin markatzea.
Eta horrela, gau hauek “ezkutuan markatzen gaituzten une iheskorrez”, “funtziona dezaketen ideia eszentrikoz” eta publikoarekin modu informalean partekatzen ditugun zerbait berri, hauskor eta intimoez beteta daude.
Scratxe Gauak tokiko, nazioko eta nazioarteko artista berriek garatzen ari diren ideia eszenikoak probatu eta erakusteko gune bat eskaintzen die. Piezak
(gehienez 20 minutukoak), dantza, antzerki, performance edo diziplina
anitzekoak izan ahal dira. Aldi berean, ideia horiek modu gordin, arriskutsu eta kitzikagarrienean ikusteko aukera ematen dio publikoari, eta horrela, publikoa sorkuntza-prozesuaren guztiz parte bihurtzen da. Gauak 5-7 piezako aurkezpena izaten du.
Scratxe gauak bitartekaritza alde bat du, Scratxe taldeak gidatutako osteko
solasaldi baten bidez. Piezen izaera esperimentala dela eta, hitzaldi hau
ekitaldiaren funtsezko parte bat da, sortzaileen ikuspegiak prozesuan dauden
piezen testuingurua ematen baitu. Baratza Aretoak egonaldi bat ematen dio urtero aurkeztutako piezetako bati, pieza eszenikoa garatu eta amaitu ahal izateko. Hurrengo urtean, pieza hauScratxe Gaueko programazioaren hurrengo egunean erakusten da. Hori dela eta, ziklo honek “Noches Scratxe Gauak” izena hartu du.
Noche Scratxe Gaua#18, sormen prozesu eszeniko esperimentalen gaua da. Bertan, prozesuan dauden zenbait diziplina artistikoko piezak erakusten dira (behean kartel osoa). 20tan hasiko da eta ondoren solasalditxo bat izango dugu artistekin, beraien lanak hobeto ezagutzeko eta publikoak ere parte hartu dezan nahi izanez gero.
Aurtengo nobedade gisa, Pradillo Antzokiak jaialdiarekin elkarlanean jardu du, proposamenetako bati egonaldi artistiko bat eskainiz.
