Egonaldi artistikoa

Egonaldi artistiko deialdia

Baratza Aretoak egonaldi artistiko bat eskaintzeko deialdia ireki du

Xedeak

Deialdi honen helburua da SORKUNTZA EGONALDI BAT ematea prozesuan edo aurre-ekoizpen fasean dauden bi proposamen eszenikori. Egoitzek barne hartzen dute Baratzako instalazioetan egokitutako lan-espazio bat lagatzea 1 eta 2 aste bitarteko epean, eta laguntza ekonomikoa (faktura bitartez) ordaintzea. Arabako lurraldetik kanpoko konpainia edo artistaren baten proposamena aukeratuz gero, ostatua eskaini ahal izango da.

Gainera, egonaldi horretan, beharrezkoa izanez gero, 2 laguntza-saio egingo dira aretora atxikituta dagoen profesional batekin, arte-gaietan (aktoreen entrenamendua, dantza eta koreografia, eszenen zuzendaritza eta dramaturgia) edo kudeaketan (banaketa, administrazioa eta komunikazioa).

Laguntza ekonomikoa 750 €-koa da (+zergak), eta faktura bidez ordainduko da. Pertsona fisikoa bada, zenbateko horri dagokion PFEZaren atxikipena deskontatu beharko zaio. Laguntza hau, 2025ean Vital Fundazioak emandako babesari esker posible da. Egonaldiaren data zehatzak espazioarekin hitzartuko dira, baina 2025eko abenduaren 22a eta 2026ko otsailaren 22a bitartean gertatu beharko lirateke.

Baldintzak

Deialdi horretara aurkezten diren proposamenek prozesuan egon beharko dute, edo luzatu eta hobetzeko bidean, hau da, ez dira kontuan hartuko amaitutako eta estreinatutako piezak, entsegu-espazioa behar dutenek soilik. Horrelako eskaeretarako, Baratzara idaztera animatzen zaituztegu eta lagapen edo lankidetza aukerak bilatzera, sektorearen zerbitzura dagoen sorkuntza gune bat gara eta sortzaileei lagundu nahi diegu.

Aurkeztutako proposamenek konpromisoa hartzen dute Baratzan eskuragarri dagoena baino ordezkaritza-espazio handiagoa ez eskatzeko (hau da, 80m2, gehienez 2,70m-ko altuerarekin). Ez dugu egoitza teknikorik ematen, non rider tekniko bat (argia eta soinua) behar den argiztapen-diseinuetan lan egiteko. Hala ere, Baratzak soinu-ekipoa eskaintzen du.

2025ean beste egonaldi batzuetan hainbat dantza-proiektu babestu direnez, deialdi honetan lehentasuna emango zaie antzerki garaikidearekin eta lengoaia eszeniko berriekin lotutako proposamenei. Izaera berritzailea, esperientzia eszeniko ezberdina edota proposamenean ikerketa-eduki handia izatea positiboki baloratuko da.

Baratza Aretoaren gainerako jarduerekin bezala, proposamenetan positiboki baloratzen dira genero eta aniztasun gaiak jorratzea eta euskararen erabilera.

Aurkeztutako proposamenetan positiboki baloratuko da sortzailea edo zuzendariaren curriculuma, baina ez da ezinbesteko baldintza beste egoitza batzuk, sariak eta aipamenak aurkeztea. Egoitza honen eta Baratzaren helburua, hain zuzen ere, sortzaile berriei eta sortzen ari diren proiektuei laguntza ematea da.

Proposamenek tailer/muestra/hitzaldi bat hartu beharko dute barne, Baratzako erabiltzaileei/publikoari materiala edo prozesua irekitzeko aukera emango duena, egonaldiaren amaieran. Egonaldi proposamena baloratzeko bitartekaritza proposamen hau sartzea nahitaezkoa izango da.

Aurkeztu beharreko materiala

Proiektu bakoitzak info@salabaratza.com-era bidaliko dira honako informazioarekin:

Informazio guzti hau email bakar batean (artxibo astunak wetransferretik bidali edo drive edo Dropboxeko esteka bidez) eta epe barruan bidaltzea ezinbestekoa izango da. Ez da osaturik gabeko informazioa duen prosamenik onartuko.

Zalantzarik edota informazio gehiago behar izanez gero info@salabaratza.com helbidera idatzi ahal duzue.

Informazio hau bidaltzeko azken eguna 2025ko azaroaren 24 da, gaueko 23:55etan.

Ebazpena 2025ko abenduaren 16a baino lehenago emailez jakinariziko da, bai aukeratutako zein baztertutakoei.