Zurrunbilo

Zurrunbilo euskarazko arte eszeniko garaikideen jaialdia da, Parasite Kolektiboak sustatua, Baratza Aretoaren laguntzarekin, 2022ra arte Ehaze eta Oihaneder Euskararen Etxearen konplizitatearekin eta 2023an EHUko Kultura Sailarekin elkarlanean. Aurreko edizioetan ere tailerrak eskaini ditu TAEn, lan-mahaiak eta topaketak Oihanederren, kontzertuak herriko tabernetan eta beste gune batzuetan, edizio bakoitzeko kolaborazioen arabera.

Horrela, bere eskaintza eszenikoa bitartekaritzako eta prestakuntzako jarduera paraleloekin osatzen du. Urtero aldatzen doaz eta euskal arte eszenikoak Gasteizko publikoari hurbiltzeko helburuari erantzuten diote. Audientziekin lan egiteaz gain, jaialdi honen beste zutabe bat sareak sortzea da. Hau da, Arabako lurraldea eta Gipuzkoan eta Bizkaian lehendik dagoen euskal sorkuntza garaikidearen mugimenduaren arteko sareak sortzea, Iparraldea eta Nafarroakoez gain. Zurrunbilo udaberrian gertatu ohi da, apirila eta ekaina bitartean.

2025ean gainera, Zurrunbilo eta Baratza aretoa zabaldu berri den Izaskun Arrue Kulturgunearekin elkarlanean arituko dira. Lankidetza honen helburua indarrak batzea da euskarazko sorkuntza eszenikoa bultzatzeko eta Gasteizko bi espazioen artean publikoen hibridatzeko.

Zurrunbilo 2025

Martxoak 27 Osteguna
Zurrunbilo Jaialdiaren programazioa Garaion Sorgingunea-Ozaetan hasiko da ostegunean film baten proiekzioarekin, Garaion espazioa eta Zinhezba eta kalakalab kolektiboekin elkarlanean.

Martxoak 28 ostirala
Zurrunbilo Jaialdiaren programazioa ostiralean jarraituko du Baratza aretoan “Aztia” piezarekin.

Martxoak 29 larunbata
Larunbata egun berezia izango da, hiru ikuskizun izango ditugu espazio ezberdinetan, Baratzatik hasita, ondoren kaletik eta azkena Izaskun Arrue Kulturgunean. IAKarekin elkarlanean antolatzen dugu egun hau eta sarreretan BONO bezala hartu ahalko duzue guztira joan nahi izanez gero.

Martxoak 30
Jaialdia itxiko dugu igandean etxean, Baratza aretoan, “Putaren bakarrizketa eroetxean” piezarekin.

Atera zure sarrerak hemen

  • "Kalejira performatikoa" tailerra
    Parasite eta Tripak kolektiboa (Hainbat diziplina)
  • Dounia eta alepoko printzesa
    Kalakalab eta Zinhezba (Zinema emanaldia, Garaionen, Ozaetan)
  • Aztia
    Metrokoadroka kolektiboa & Don Inorrez, Enter Banaketen eskutik (Baratza Aretoan)
  • Platea
    Tripak Kolektiboa (Baratza Aretoan)
  • "Kalejira performatikoa" tailerreko partehartzaileen eskutik
    Parasite eta Tripak kolektiboa (Kaletik, Baratzatik IAKra)
  • Baninduaien Kantatzera
    Antuxuna (Folk-teknologiko emanaldia, IAKan)
  • Putaren bakarrizketa eroetxean
    Laura Penagos (Antzezlana)
Ikusi gehiago Sarrerak

Aurreko edizioak

Zurrunbilo 2024
Zurrunbilo 2023
Zurrunbilo 2022
Zurrunbilo 2021
Zurrunbilo 2020
Zurrunbilo 2019
Zurrunbilo 2018
Zurrunbilo 2017
Zurrunbilo 2016