Hemengoa, baratzatik gertukoa, BERTAKO FEST da, Baratzako egonaldi artistikoetan edo hirian eta inguruetan sortzen aritu diren lanak ikusteko aukera ematen duen minifesti bat. Etxekorako eta munduari erakusteko lekua da.
Keinua muturrei buruzko hitzaldi bat da. Bertan, zerizana biziago dagoela uste dugun lekuetan jartzen dugu begirada, oreka eta neurritasunetik urrun, mailarik gorenean, bizian edo aktiboan. Keinuan badira hedatu eta uzkurtzen diren aurpegiak, esaldi lapidarioak, diskurtso apokaliptikoak, neurrigabeko desioa, zaldi basatiak, bizi-prekarietatea, pasiozko maitasuna, eraldatzen diren eta arriskuak hartzen dituzten gorputzak. Ongietorriak!
Esaten denez, jaiotzen garenetik gure amaren bihotzaren taupadaren bila gabiltza, gure existentziaren aurrean lasaiago sentitzeko. Bakoitzak bere erara bilatu eta egiten du.
Sofiarentzat, denok batera dantza eta barre egitea, etengabeko arnasketa horretara hurbiltzea da. Bizitza etengabeko festa izatea gustatuko litzaioke, etenik gabeko batasuna, amaierarik gabeko dibertsioa.
Imajinatzen duzue bizitza osoan zehar barre egitea?
Zer gertatuko litzateke lerro bat bi zatitan moztuko bazenu eta moztu zenuen puntuan geldituko bazina? Non egongo zinateke orduan? «Latenciak» xehetasunez maitemintzera gonbidatzen zaitu. Arretaren banaketa hazteko espaziotzat hartuta, biderkatzeko potentzialtzat hartuta, entzun al genezake gure askotariko erritmoak, eusteko ezkutatzen ditugunak? Muturreko egoerak (edo gehiegizkoak) eta ikuspegi abstraktuak konbinatzeko jakin-mina dut; intuizioa eta analisia, adierazpen emozionala eta desatxikimendu-estrategien inguruan lan egiteko ere jakin-mina dut.
Mastur Batetu Cándida doktoreak, identitate eta gernu galeretan aditua, Txumino Power Revolution programa praktikan jartzen du. Zoru pelbiko boteretsu baten gainean adimen-sabai indartsu bat berreraiki daitekeela oinarri hartuta.
