Bertako Fest 2024

Taldeak 25 urte bete ostean haien buruari nor eta zer diren galdetzen diote. Beti ere komediatik eta jolasetik planteatzen dituzte zalantzak. Beti ere ikuslearengandik gertu eta kabareta laztantzen botatzen dituzte galderak.

Ane Zabala eta Galder Perez aktoreak Aitor García de Vicuña (Gartxito) musikariarekin batera agertuko dira taula gainean. Identitateen gaineko galdera berri eta zaharrekin jolasten jarraitzeko asmotan agertuko dira, beren identitateak eraiki eta deseraikitzera jolastuko dira testua, musika eta performancea nahasten dituen lanean. Lutxo Egia idazlearen testua da abiapuntua.

Berrogeita bost minutuko emanaldi bat da, hitza eta soinua uztartzen dituena. Danelek testu bat irakurtzen du, hiru zatitan banatzen dena, eta irakurketan bertan zein etenaldietan Mirenek soinu-giroak sortzen ditu, eta kantuak jotzen. Hitzek eta musikak batasun bat osatzen dute.

Testuaren abiapuntua «etorkizuna» izan zen —Loraldia jaialdiak testua bat idazteko eskatu zion Daneleri 2023an etorkizunaz, etorkizunetik, etorkizunerantz—. Beste hainbat gai ere agertzen dira bertan: dolua, dantza, popperra, afterra, irudimena, lagunak.

Testua idazteko orduan erreferente garrantzitsuak izan dira Bollurria egitasmoa, Baiucaren “Mangueiro” abestia eta honako liburu hauek: José Esteban Muñozen “Utopía queer”, Sonía Fernández Pan-en “Edit” eta Leo Feliperen “Historia universal del after”. Giroa eta soinua sortzeko orduan, bestalde, inspirazio-iturriak izan dira regetoia, musika elektronikoa eta boleroa.